Clara Bilbao

Aurten, nazio mailako baliabideak erakartzeko 12 proiektu berrietan lan egiten hasi gara.

Batek Enpresa Talde Berritzaileentzako (AEI) programaren laguntza jaso du, 3. ildo pean: teknologia digitaleko proiektuak.

• TeraMAT2: Material plastiko birziklatuen trazabilitatea bermatzeko ziurtapen-plataforma ireki bat garatzea, Blockchain bidez eta terahertzioen mailan ikuskatuz

Industria, Merkataritza eta Turismo ministerioak finantzatzen du

Zortzik ELKARTEK 2024 arlo estrategikoetarako Elkarlaneko Ikerketarako Laguntza Programaren laguntza jaso dute.

• MOSINCO: Material konposatuak monitorizatzea haiek ukitu gabe, fabrikatzen direnetik bizi-amaierara arte. GAIKERek koordinatzen du
• BG24: Minbiziaren eragile molekularrak aztertzea eta ezaugarritzea, eta haien erabilera berritzaileak doitasunezko tratamendu onkologikoetan ikertzea.
• BMG24: Fibrosiari lotutako birika-hipertentsioa diagnostikatzeko eta tratatzeko biomarkatzaileei eta metodo alternatiboei buruzko elkarlaneko ikerketa.
• EnHarPE: Energy harvesting sistema berriak, soluzio inprimatuen eta material jasangarrien bidez autoelikatzen diren potentzia txikiko gailuetarako.
• 3DGREEN: Jatorri birziklatua duten 3D inprimaketarako material funtzional jasangarriak, sektore elektronikorako
• ADDICOMP: Mass Production Digital Composites. Egiturazko konpositeen fabrikazio gehigarriko teknologiak.
• TERCOMAT: Plastikoak eta altzairua hibridatzeari buruzko ikerketa.
• CirIAMet: Erabiltzen ez diren ibilgailuen belaunaldi berrian metalen zirkulartasuna bultzatzeko teknologia adimendunak

Eusko Jaurlaritzako Ekonomiaren Garapen, Jasangarritasun eta Ingurumen Sailak finantzatzen ditu

Beste batek Transferentzia Teknologikoa 2024 programaren laguntza jaso du
• COMPLESOLV: Material plastiko konplexuetarako ekonomia zirkularra ezartzea, solbolisi- eta disoluzio-prozesuak garatuz eta erabiliz.

Bizkaiko Foru Aldundiak finantzatzen du, Transferentzia Teknologikoa 2024 Programaren bidez

Beste batek Berrikuntza Ekosistementzako Laguntza 2024 jaso du
• CÍCLiCOM: Material konposatuen eta plastiko konplexuen zirkulartasunerako berrikuntza-ekosistema. GAIKERek koordinatzen du

Eta azkenak TransMisiones 2024 programaren laguntza jaso du
• CICLO: Industria eolikoan zirkulartasuna lortzeko lankidetza eta ikerketa. GAIKERek koordinatzen du.

CDTIren diru-laguntzarekin

Bestetik, nazioarteko baliabideak erakartzeko proiektuei dagokienez: 2024an, Europar Batasunaren laguntza jaso dugu HORIZON EUROPE programaren esparruan baliabideak erakartzeko 4 proiektu berri egiteko. Proiektu horietako bi zuzentzen ditugu:

• BIOSAFIRE: Development and manufacture of new, more sustainable and safer materials using biobased functionalised additives based on lingin and tannins to improve fire resistance. GAIKERek koordinatzen du
• E-OILE: Sustainable End-of-life routes for Single-use monodose packaging for oily products. Coordinado por GAIKER
• DESIDERATA: Integrated Pathways: Advancing Safe and Sustainable by Design Material Innovation through Collaborative Wisdom
• PAIRAMID: AI-based testing pyramid towards virtual certification of next-gen composite aerostructures

Europar Batasunak finantzatzen ditu

Azkenik, azpiegiturak eta ikerketa-tresnak erosteko, AZPITEK programaren laguntza (Ikerketa-azpiegiturak erosteko laguntza programa) eta Transferentzia Teknologikoa 2024 programaren laguntza (2. ildoa, Ikerketa-azpiegiturak, probak eta esperimentazioa ordaintzeko diru-laguntzak) jaso dugu

Azpitek 2024 programa:
• DATPOL: Modu anitzetan ezaugarritzeko plataforma, datuak sortzeko eta polimeroen transformazio-prozesuak eta materialak digitalizatzeko
• TERATEK: Terahertzio-espektroskopia, hondakinen eta material plastikoen identifikazio adimenduneko eta ezaugarritze aurreratuko teknologiak ikertzeko eta birziklapenean eta prozesuan ekonomia zirkularra aktibatzeko

Eusko Jaurlaritzako Ekonomiaren Garapen, Jasangarritasun eta Ingurumen Sailak finantzatzen ditu

Transferentzia Teknologikoa 2024 programa
• Nano eta mikropartikuletako material berriek giza babes fisiologikoetan duten bioerreaktibotasuna ezaugarritzeko eta ebaluatzeko azpiegitura
• COMPLESOLV: Material plastiko konplexuetarako ekonomia zirkularra ezartzea, solbolisi- eta disoluzio-prozesuak garatuz eta erabiliz

Bizkaiko Foru Aldundiak finantzatzen ditu, Transferentzia Teknologikoa 2024 Programaren bidez

Gabon zoriontsuak!

GAIKER Zentro Teknologikoak eta Formula Student Bizkaia taldeak prestakuntza, talentua eta enplegagarritasuna bultzatzeko hitzarmena sinatu dute.

Basque Research & Technology Alliance-ko (BRTA) kide den GAIKER Zentro Teknologikoak eta Formula Student Bizkaia taldeak lankidetza-hitzarmen bat sinatu dute, irakaskuntza-metodologia aktiboen bidez ikasleen prestakuntza, talentua eta enplegagarritasuna sustatzeko, batez ere proiektuetan oinarritutako ikaskuntzaren bidez.

Hitzarmen honen ondorioz, GAIKER Formula Student Bizkaiako laguntzaile, aholkulari tekniko eta prestatzaile izango da. Eta Europa mailan egiten diren Formula Student lehiaketetan parte hartzen laguntzeko materiala, saiakuntzak, aholkularitza eta instalazioak jarriko ditu haien eskura.

GAIKEReko Santiago Rementeriak (Zuzendari Nagusia) eta Formula Student Bizkaiako Javier Corralek (Faculty Advisor) azaroaren 20an sinatu zuten akordioa, eta urtebeteko iraupena izango du.

Formula Student Bizkaia

Formula Student Bizkaia Euskal Herriko Unibertsitatearen (UPV/EHU) eta Bilboko Ingeniaritza Eskolaren babespeko irabazi-asmorik gabeko irakaskuntza-proiektua da. Eserleku bakarreko Formula ibilgailuak diseinatuz eta fabrikatuz eta Europako beste unibertsitateekin lehiatuz, hainbat ingeniaritza-arlotan ikastea du helburu.

Proiektua Nazio Batuen 2030erako garapen jasangarriko helburuekin bat dator, eta Berrikuntzaren Euskal Agentziak (Innobasque) STEAM zigilua eman dio bokazioak sustatu eta bultzatzeagatik.

GAIKERen, prozesu, produktu edo zerbitzu baten jasangarritasunaren ikuspuntu integratua eta orokorra lortzen dugu, bizi-zikloaren jasangarritasunaren azterketaren bidez (Life Cycle Sustainability Assessment, LCSA).

Gure tresnak:

• Excel formatuko ad hoc tresnak
• Softwarea: SimaPro, Sphera LCA for Experts, OpenLCA, etc.
• Datu-baseak: Ecoinvent, Sphera, Environmental Footprint, PSILCA, etc.

Gainera, BZAren metodologia erabiltzen dugu produktuen/zerbitzuen ingurumen-ebaluazioa metodologia zehatzen arabera egiteko:

• Karbono-aztarna, ISO arauen arabera
• Ingurumen-aztarna, EBk proposatutako metodologiaren arabera
• BZA, ISO arauen eta erreferentziako EPD (Environmental Product Declaration) sistemen arabera (Environdec, IBU-EPD, etab.).

>> Gehiago jakiteko

Rafael Miguelek idatzitako artikulua – GAIKEReko Birziklapena eta Ekonomia zirkularraren merkatuko arduraduna – Jatorrizkoa ikusi

Litioa erregai fosilak uzteko eta energia garbietara pasatzeko funtsezko osagai gisa sailkatu du Europar Batasunak. Gero eta gailu elektroniko eta ibilgailu elektriko gehiagok erabiltzen dituzte litiozko bateriak; eta gailu horien kontsumoa handitzen ari denez, bateriak behar bezala kudeatu behar dira bizitza erabilgarriaren amaieran. Horretarako, modu arduratsuan birziklatu behar dira, eta bateriak dituzten materialak berreskuratu behar dira, ingurumenean duten eragina txikiagotzeko.

GAIKERen litio-ioizko baterien birziklatze-etapak hobetzeko eta garatzeko teknologiak eta prozesuak ikertzen eta garatzen ditugu.

1. Prozesu ezberdinak garatzen ditugu litio-ioizko bateriak eta kimika konplexuko beste bateria batzuk birziklatzeko pauso bakoitzerako.
2. Lehenengo etapan, bateriak deskargatu egiten ditugu, prozesua segurua izateko, ingurumena zaintzeko eta industriak eskatzen dituen prozesatze-ahalmena eta -denbora lortzeko.
3. Bateriak desmuntatzen ditugu eta elektrodoak ateratzen ditugu, black mass-a erauzi ahal izateko. Purutasun handiko black mas-ak lortzeko IE baterien hainbat hondakin-motak (moduluak, gelaxkak, ekoizpen-erreusak) mekanikoki (birrintzea eta bahetzea) eta fisikoki (ultrasoinuak) prozesatzen ditugu.
4. Black mass-a erauzi aurretik, bateria-katodoak automatikoki sailkatzeko elektrokimika bidezko prozesua garatzen ari gara. Horretarako, laser bidez induzitutako plasma-espektroskopia (LIBS) erabiliz lortutako informazio espektralari adimen artifizialeko teknikak aplikatzen dizkiogu. Hainbat bateria mota probatu ditugu (PAE, mugikorrak, IE), eta oso emaitza onak lortu ditugu.
5. Anodoaren eta katodoaren material aktiboa estaltzen duen itsasgarria kentzeko hainbat bide fisikoak probatu ditugu: kiskaltzea, errotore-errota bidezko ehotze kriogenikoa eta ultrasoinuak.
6. Anodoaren karbono frakzioa eta katodoaren Li oxido metalikoak nola bereizi ikertzen ari gara, ingurune lehorreko nahiz hezeko teknikak erabiliz. Hainbat aukera probatzen ditugu, batez ere teknika grabimetrikoak, eta ahalik eta galera txikiena duten oxido metalikoen kontzentrazioari ematen diogu lehentasuna.
7. Black mass-a erauzi ondoren, bateria birrintzetan dauden material motak bereizteko moduak aztertzen ditugu.
8. Black mass-eko material aktiboak berreskuratzen ditugu: Li, Co, Ni, Mn, etab. hidrometalurgiaren bidez, lixibiazio-, prezipitazio- eta kristalizazio-etapa selektiboak hobetuz.

Garapen horiei guztiei esker, GAIKERek ingurumena zaintzen duten eta ekonomikoki merezi duten irtenbideak eskaintzen dizkio industriari, bizitza erabilgarriaren amaieran baterien zirkulartasuna ziurtatzeko.

SUNRISE proiektu europarraren bidez, pertsonentzako eta ingurumenerako seguruagoak diren eta produktua egiteko lehen faseetatik hasita eta haren balio-bizitzaren amaierara arte jasangarriagoak diren material aurreratuak bultzatu nahi dira.

GAIKER Zentro Teknologikoa, Basque Research Technology Alliance – BRTAko kide, SUNRISE (Safe and Sustainable by Design: Integrated Approaches for Impact Assessment of Advanced Materials) proiektu europarrean parte hartzen duten 19 kideetako bat da.

SUNRISE Europar Batasunaren Horizon programaren barruan jarri da martxan, eta bere helburua material aurreratuek giza osasunean, ingurumenean, gizartean eta ekonomian duten eragina ebaluatzeko tresna bat datozen hiru urteetan garatzea da, horrela, material horien segurtasunari eta jasangarritasunari buruzko erabakiak hartzeko gai izateko, diseinutik hasita eta bizi zikloetan eta balio kateetan zehar.

Tresna hori erabilerraza den web-plataforma bat izango da, eta baita gida bat, SSbD estrategia (Segurtasuna eta jasangarritasuna diseinutik hasita) ezartzearen erronkak azaltzeko.

Material aurreratuak (AdMas) propietate hobetuak dituzten material berriak dira, eta berariaz diseinatzen dira erabilera berdina duten material konbentzionalek baino errendimendu handiagoa izateko (erresistentzia, iraunkortasun, arintasun… handiagoa).

Material horiek pertsonentzat eta ingurumenarentzat seguruagoak diren eta jasangarriagoak diren aztertzeko, ikerketa hau sortu da, eta GAIKER ingurumen segurtasuna eta giza osasuna ebaluatzeko bloke metodologikoak ezartzeaz (ebaluazio irizpideak, atalaseak, klaseak eta tresnak) arduratuko da batez ere. Helburu hori lortzeko, zentro teknologikoak, alde batetik, material aurreratuen segurtasuna ebaluatzeko in vitro ereduak erabil daitezkeen aztertuko du, eta, bestetik, Ikuspegi Berriko Metodologiak (NAM) eta Saiakuntza eta Ebaluazio Ikuspegi Integratuak (IATA) egokitu eta garatuko ditu, horiek AdMas-ek ingurumenerako eta giza osasunerako duten segurtasuna modu errentagarrian ebaluatzeko, animalien esperimentazioa saihestuz.

SUNRISEk Europar Batasunaren Horizon Europe ikerketa- eta berrikuntza-programaren finantzaketa jaso du, 10113732 zenbakiko dirulaguntza-hitzarmenaren bidez.