Menu
Menu
Trenbide-eraikuntzan material polimerikoak erabiltzeak, bereziki konpositeak, diseinua eta pisua hobetzen ditu.
Beira-zuntzezko konpositeak barneko osagaiak (estaldura-panelak, leiho-moduluak eta eserlekuak, besteak beste) eta egitura-osagaiak (aurrealdeak, zoruak eta sabaiak) egiteko erabiltzen dira. Elementu horiek arinak dira eta korrosioarekiko erresistentzia handia dute. Normalean, material monolitikoak eta sandwich motakoak erabiltzen dira, beren egitura-erresistentzia, zurruntasuna, isolamendua eta pisu txikiagatik.
Trenbide-eraikuntzako material guztiek EN 45545 estandarra bete behar dute, hau da, ibilgailuak eraikitzeko materialek bete behar duten suarekiko portaera arautzen duen Europako araudia. Lehentasuna pertsonen segurtasuna da eta, horregatik, materialek sukoitasun, erregaitasun, tanta bidezko fusio, ke isurpen eta isuritako gasen toxikotasun baldintza zorrotzak bete behar dituzte.
Konposite termoegonkorrak eta termoplastikoak eta material funtzional jasangarriak erabiliz, trenbide-eraikuntzarako konponbide posibleak ikertzen ditugu:
Konposite termoplastikoak konposite termoegonkorren eta xafla metalikoaren alternatiba bikaina dira. Hala ere, merkatuan ezartzeko, haiek prozesatzeari lotutako muga batzuk gainditu behar dira. Helburu horrekin sortu da ZE-KOMP proiektua. Proiektu horretan, fabrikazio-prozesu optimizatu eta fidagarriak garatuko dira, prozesu horien jasangarritasuna hobetuko da ingurumenaren, kostuen eta fabrikazio-kadentzien ikuspegitik.
Eusko Jaurlaritzak diruz lagundua
Proiektu honen helburua da FML aluminioan eta konpositean oinarritutako material arinak garatzea, suarekiko portaerari buruzko araudi zorrotzak gainditzeko, suaren kontrako aurreinpregnatuak garatuz.
Proiektuaren helburua da egitura-panelak garatzea lurreko garraiorako ibilgailuetan eta enkofratu-paneletan aplikatzeko. Panel horiek beren nukleoan konpositeen industria-hondakinetatik sortutako material birziklatuz egindako aglomeratuak izango dituzte. Hala, konposite-hondakinak murriztuko dira eta ingurumen-inpaktua hobetuko da. GAIKERen ikerketa-ildoak egitura-panelen garapenera eta karakterizaziora bideratuta daude.
Proiektu honen helburua da aireko eta errepideko garraiorako material arin, multifuntzional eta jasangarrien teknologia aurreratuak ikertzea eta garatzea. GAIKERen ikerketaren helburua da hidrogeno-tankeak garatzea, funtzio integratuak dituen filament winding baten bidez (hidrogenoarekiko iragazkortasuna, suarekiko portaera ona, prozesatzearen sentsorizazioa eta bizitza erabilgarria).
Eusko Jaurlaritzak diruz lagundua
Proiektu honen helburua da panel arinak azkarrago eta merkeago egiteko prozesu eraginkor berriak garatzea. GAIKERen ikerketaren bidez, material anitzeko panel arinak garatu eta karakterizatu dira, suaren kontrakoak. Horretarako, larruak eta nukleoak itsasgarriekin eta moldaketarekin lotzen dira, konpositeak eskuzko moldaketaren eta infusioaren bidez fabrikatzeko prozesu tradizionalen ordez; hau da, fabrikazioko prozesu modularra da, loturen bidez mihiztatutako panel arinetan oinarritua, eta tamaina handiko moldeetan inbertitzea saihesten da.
Proiektu honen helburua da tamaina handiko konpositeak fabrikatzeko prozesuak automatizatzeko antolaketa-eredu aurreratu eta adimendunetan oinarritutako fabrikazio-zelula berri bat garatzea. GAIKERen ikerketaren ardatza da erretxina injektatzeko prozesuak kontrolatzea eta automatizatzea, sekzio konstanteko errefortzu-aurreformak garatzea eta tren- eta ontzigintza-sektorerako erakusleak diseinatzea eta garatzea.
No results found.
Konposite eta polimero funtzional jasangarrien merkatuko arduraduna
Harpidetu zaitez gure buletinera
