Menu
Menu
Sektore aeronautikoan, materialen pisua funtsezkoa da, bai eraginkortasunagatik bai segurtasunagatik. Sektore horren eskakizunak betetzeko, material konposatuak oso egokiak dira, eta gainera material horiek nekea eta korrosioa hobeto jasaten dute.
Hala ere, lehengaiak eta ekoizpen-prozesuak ohiko materialenak baino garestiagoak dira, eta horregatik ekoizpen-prozesu merkeagoak ikertzen ari gara.
Clean Aviation Europako Batzordeak babestutako elkarte publiko-pribatua da, ingurumenari eragiten ez dion hegazkintza lortzeko. Testuinguru horretan, material arinak eta ingurumen-aztarna txikia uzten dutenak ikertzen eta garatzen ari dira, eta horiek etorkizuneko eraikuntza aeronautikoan funtsezko zeregina izango dute.
GAIKERen material jasangarriez egindako material konposatuen konponbideak eskaintzen ditugu, hala nola baliabide natural berriztagarrietatik datozen erretxinak eta zuntzak. Gainera, autoklabetik kanpoko prozesuetan lan egiten dugu, hala nola RTM edo C-RTM, infusioa, konpresioa, pultrusioa edo filament winding-a, eta teknologia digitalak erabiltzen ditugu prozesuak hobeto kontrolatzeko eta automatizatzeko. Halaber, produktu erdilanduak garatzen ditugu, hala nola neurrira egindako aurreinpregnatuak eta UD zintak, eta konpositezko egituren FEM kalkuluan adituak gara.
Eraldaketa-prozesuetan erabiltzen diren zuntzezko aurreformak egiteko teknologia dugu. Bestalde, bizi-amaieran dauden konpositeak edo erreusak birziklatzeko teknologiak ere ikertzen ditugu: adibidez, pirolisia (berrerabiltzeko karbono-zuntza eta erretxinetatik eratorritako konposatu likido pirolitikoak lortzeko) edo solbolisi-prozesuak (monomeroak lortzeko). Gainera, ondu gabeko aurreinpregnatuen ebakinak osorik berreskuratzeko prozesua patentatu dugu.
Europako INFINITE proiektuaren helburua da hegazkinen egoerari buruzko informazio etengabea izatea haien bizi-zikloko edozein puntutan, material adimendunak eta hari gabeko teknologiak erabiliz.
Ekimenaren esparruan, sentsore integratuak dituzten konpositeak garatuko dira, material horien ezaugarriak monitorizatzeko fabrikaziotik azken birziklapenera arte, haien bizitza erabilgarria luzatu eta kalitatea hobetzeko.
Proiektu honen helburua da tamaina handiko konpositeak fabrikatzeko prozesuak automatizatzeko antolaketa-eredu aurreratu eta adimendunetan oinarritutako fabrikazio-zelula berri bat garatzea. GAIKERen ikerketaren ardatza da erretxina injektatzeko prozesuak kontrolatzea eta automatizatzea, sekzio konstanteko errefortzu-aurreformak garatzea eta tren- eta ontzigintza-sektorerako erakusleak diseinatzea eta garatzea.
Industrializatzeko eta merkatuan bitarteko eta azken produktu berriak sartzeko prozesuak garatzea, karbono birziklatuko konpositean oinarrituta, eta, ondorioz, EAEn karbono-zuntz birziklatuaren inguruko industria sustatzea.
Automobilgintzarako karbono-konposite merkeagoak garatzea. Sektore aeronautikotik datozen karbono-zuntzeko hondakinetatik abiatuta, bi prototipo erakusle egingo dira. Haien azken aplikazioak osagai estetikoak eta egiturazkoak izango dira automobilgintzarako.
KAIROS proiektuaren helburua da konpositea, industria 4.0 eta biki digitala fabrikatzeko punta-puntako teknologiak ikertzea. Teknologia horiek ontzigintzarako material konposatuz egindako kalitatezko pieza handiak modu eraginkorrean, kostuak optimizatuta eta automatizazio-maila handiarekin fabrikatzeko soluzioa garatzea dute helburu.
GAIKERek proiektu honetan egin duen ikerketak hainbat lerro ditu ardatz, hala nola material konposatuzko piezen diseinuaren definizioa, infusio bidezko konpositearen fabrikazioaren kontrola eta automatizazioa, zuntz lehorreko errefortzuen aldez aurreko prestaketa, hutseko eta tenperaturako trinkotzearen bidez, eta prototipo funtzionalen garapena eta karakterizazioa.
GAIKERek konposite hibrido berriak garatuko ditu, etorkizunean orain arte erabilitako material metalikoen ordez erabil daitezkeenak. Material horiek, beraz, arindu egingo lirateke eta nekeari eta inpaktuari aurre egiteko erresistentzia bikaina izango lukete.
Teknologia espazial berriak ikertzea eta garatzea, eta etorkizuneko planeta-misioak eta haien behar zientifikoak hobetzeko teknika berriak ikertzea.
Eusko Jaurlaritzak diruz lagundua
No results found.
Konposite eta polimero funtzional jasangarrien merkatuko arduraduna
Harpidetu zaitez gure buletinera
