Clara Bilbao

Maiatzaren 4tik 7ra, GAIKERek, Basque Research & Technology Alliance (BRTA) partzuergoko kidea, IFATen parte hartuko du. IFAT ingurumen sektoreko nazioarteko azoka nagusia da eta aurten Munichen izango da.

Zentro teknologikoa Aclima-Basque Environment Cluster-en standean egongo da. Bertan, 20 bazkide bilduko dira Euskadiko ingurumen-ekosistema indartzeko helburuarekin. Gune hori erreferentzia-puntu bihurtuko da, eta bertan, parte hartzen duten enpresen konponbideak eta gaitasunak ezagutaraziko dira, ekitaldiak eta aurkezpenak egingo dira, profesionalek elkar ezagutuko dute, eta elkarlana sustatuko da bezeroekin, beste enpresekin eta sektoreko funtsezko eragileekin.

Aurtengo edizioan, GAIKERek birziklapen eta ekonomia zirkular arloan duen teknologia aurkeztuko du, eta konponbide berritzaile eta jasangarriekin duen konpromisoa erakutsiko du.

IFAT ingurumen-teknologiei buruzko nazioarteko plataformarik handiena da, batez ere ur, birziklapen ea ekonomia zirkular arloetan. Konponbideak aurkezteko lekua izateaz gain, ekitaldian mundu osoko sektoreko ordezkari nagusiek ezagutza eta lankideak aurkitu ahal izango dituzte.

Zatoz gu ikustera B4.332 standera eta ezagutu itzazu birziklapen eta ekonomia zirkular arloko azken berrikuntzak!

VALON proiektuaren helburua bromoz osatutako sugar-atzeratzaile ugari dituzten errefus plastikoak balorizatzea da. Errefus horiek gailu elektriko eta elektronikoen hondakinak tratatzean eta birziklatzean lortzen dira, eta balio handiko bigarren mailako lehengai bilakatu ahal dira.

GAIKER Zentro Teknologikoa, Basque Research & Technology Alliance (BRTA) partzuergoko kidea, VALON proiektuaren parte da. Proiektu horren helburu nagusia gailu elektriko eta elektronikoen hondakinak (GEEH) tratatzeko eta birziklatzeko prozesu industrialetatik datozen errefus plastikoak balorizatzea da, bromoz osatutako sugar-atzeratzaile (BFR) ugari dituztelako. Ekimen horren bidez, errefusa horietan dagoen antimonioa (Sb) kontzentratu eta berreskuratu nahi dute, bigarren mailako lehengai bihurtzeko.

Europar Batasunak antimonioa lehengai kritikotzat hartzen du, zenbait industria sektoretan duen garrantzi estrategikoa dela eta. Europako araudiak materia horien urteko hornidura indartu nahi du, besteak beste, materia horiek dituzten hondakinak birziklatuz. Hori dela eta, VALONek bromoz osatutako sugar-atzeratzaile ugari dituzten GEEHen errefusa plastikoetan dagoen antimonioa berreskuratzeko irtenbide teknologikoak ikertzea proposatzen du, gero industrian erabili ahal izateko.

Proiektua abenduan amaituko da, eta balorizazio bide ezberdin aztertuko eta ebaluatuko ditu, eta identifikazio eta sailkapen automatikoko teknologia optikoak eta propietate fisikoetan oinarritutako bereizketa-metodoak batuko ditu, antimonio-eduki handia duten plastiko frakzioak lortzeko. Gainera, egokitzeko, erauzketa hidrometalurgikoko eta berreskuratzeko teknikak ere erabiliko dituzte antimonioa duten frakzioetan.

VALON proiektuan, GAIKERek laborategian ikertuko ditu:

1. LIBS espektroskopiaren eraginkortasuna aldagai anitzeko datu-analisien ereduekin konbinatuta, GEEHen plastikozko errefus korrontea automatikoki sailkatzeko eta antimonio ugari duen frakzio berri bat lortzeko.
2. Plastikoen propietate fisikoetan oinarritutako bereizketa-eragiketen eraginkortasuna (flotatze-hondoratze eta aparren bidezko flotazioa), antimonio ugari duten frakzio berriak polimero motaren arabera bereizteko.
3. Egokitzapen termiko prozesuak (pirolisia) eta erauzketa hidrometalurgikoa, antimonio ugari duten frakzio plastikoetan erabiltzeko.

VALON proiektua Inatec Fundazioak koordinatzen du eta Eusko Jaurlaritzak finantzatzen du (espediente-zenbakia: KK-2025/00057), arlo estrategikoetan elkarrekin ikertzeko ELKARTEK 2025 laguntza programaren bidez.

Eusko Jaurlaritzak diruz lagundua

Apirilaren 14tik 16ra, In-Cosmetics Global edizio berria egingo da Parisen. Kosmetika-industriarako nazioarteko bilera garrantzitsuenetako bat da.

GAIKERek, Basque Research & Technology Alliance (BRTA) partzuergoko kideak, bilera horretan berriro parte hartuko du, dermokosmetikaren arloan dituen I+G+B zerbitzuak aurkezteko. Gainera, aurreko edizioetan bezala, Dr. Goya Análisis eta Anmar Clinical Services-ekin batera egongo da erakusketa-gunean.

Ekitaldia gorputzaren zaintzaren arloan ematen den berrikuntzaren funtsezko erakustokia bihurtu da, eta osagai berriak aurkitzeko, joera berriak ezagutzeko eta merkatuaren egungo eskaerekin bat datozen konponbideak garatzeko interesa duten mundu osoko profesionalak bilduko ditu, produktu kosmetikoen hurrengo belaunaldia sortzeko.

A130 standean aurkituko gaituzu. Zure zain egongo gara!

>> Gehiago jakiteko

GAIKERek koordinatzen duen RESITES proiektuari esker, konposite birziklagarri berriak sortuko dira, produktu arin, gogor eta jasangarriak eraginkortasunez fabrikatzeko.

GAIKER Zentro Teknologikoak, Basque Research & Technology Alliance (BRTA) partzuergoko kideak, RESITES proiektua koordinatzen du (Beirazko eta karbonozko zuntz birziklatuak konposite birziklagarri berriak bihurtu). Ekimen estrategiko horren helburua hondakinetatik eta ekoizpen-lermetatik datozen karbono- eta beira-zuntz birziklatuak eraginkortasunez nola erabili ikertzea da. Haien propietateak hobetu nahi dituzte, konposite birziklagarri berriak sortzeko. Horretarako, euren ezaugarrien eta prozesagarritasunaren ereduak egingo dituzte, produktu arin, gogor eta jasangarriak modu eraginkorrean fabrikatzeko.

Urtero, ekoizpen-lermetatik zein bizitza erabilgarriaren amaierara iritsi diren elementuetatik datozen material konposatuen hondakin ugari pilatzen dira. Azken urteotan, aurrerapen garrantzitsuak egin dira material konposatuak birziklatzeko teknologien arloan, baina berreskuratutako zuntzak modu eraginkorrean berrerabiltzea erronka bat da oraindik ere. Testuinguru horretan, RESITES proiektuak ikuspegi berritzailea proposatzen du, eta gaitasun ugari izango dituzten konposite birziklagarrien belaunaldi berri bat ikertzen ari da, zuntz birziklatuetan eta erretxina birziklagarrietan oinarrituta.

Proiektu hori Eusko Jaurlaritzak finantzatzen du, arlo estrategikoetan elkarrekin ikertzeko ELKARTEK 2025 laguntza programaren bidez. Errefortzu birziklatuen funtzionalizazio, sizing eta hibridazio teknologietarako konponbideak emango ditu, errebalorizatzeko, eta aurreinpregnatuak, konposite birziklagarriak eta fabrikazio aditiboko materialak formulatzeko. Gainera, materialen eta prozesuen ereduak egiteko konponbideak ere aztertuko ditu.

Ekimen horren ondorioz, laborategi-eskalan hainbat garapen esperimental egingo dira: berriro erabili ahal izango diren beira- eta karbono-zuntzak, organosheet termoplastikoak, SMC birziklagarri termoplastikoa eta termoegonkorra, eta 3D inprimaketako pelletak/harizpiak. Halaber, zuntz birziklatuz indartutako aurreinpregnatu birziklagarrien portaera eta prozesagarritasuna aurreikusteko ereduak ere garatuko dira.

GAIKER Zentro Teknologikoak, funtzio eta egitura aldetik prestazio hobeagoak dituzten material polimeriko jasangarriak garatzen aditua da, eta proiektua koordinatzeaz gain, hainbat lan eremutan ere parte hartzen du:

1. Beirazko eta karbonozko zuntz birziklatuak berriro erabiltzeko prestatzea, material konposatu jasangarriak eta prozesatzeko teknika aurreratuak garatuz. Zuntz laburren tratamendu kimikoa eta dosifikazioa ikertzen du SMC, GMT eta ehundu gabeko ehunetan, eta ehun horiek optimizatzeko ere ikertzen ari da, norabide zehatzetan jarritako errefortzuen eta ijezketa hibridoaren bidez.
2. (Berrirro prozesatu ahal diren) erretxina termoplastiko erreaktiboekin aurreinpregnatuak garatzea.
3. Birziklatze-metodo mekanikoak eta kimikoak aztertzea, garatutako material berrien zirkulartasun osoa ziurtatzeko.

Proiektuan lortuko diren aurrerapenek eragin garrantzitsua izango dute mugikortasun (automobilgintza, trenbidea, aeronautika eta itsasokoa), energia, kirol eta eraikuntza arloetan, eta horiek guztiek garrantzi handia dute euskal industrian eta ekonomian. Gainera, arlo horietan konpositeen eraldaketarekin lotutako industriek funtsezko eginkizuna dute.

Eusko Jaurlaritzak diruz lagundua