GAIKER kosmetikoen segurtasuna eta eraginkortasuna egiaztatzeko in vitro saiakuntzak egiten da aditua, eta aurten ere Cosmetorium bederatzigarren edizioan egongo da urriaren 22tik 23ra, Farga de L'Hospitalet de Llobregaten (Bartzelona).
Zentro teknologikoak berriro ere Dr. Goya Análisis eta Anmar Clinical Services-ekin partekatuko du standa, eta bertan, dermokosmetika arloan eskaintzen dituen I+G+B zerbitzuak aurkeztuko ditu.
Cosmetorium erreferentziazko azoka da Espainiako sektore kosmetikoan. Kosmetikarako Kimikoen Espainiako Elkarteak (SEQC) eta Step Exhibitions erakundeak antolatu dute, eta norberaren zaintzarako produktuak eta kosmetikoak garatzeko eta fabrikatzeko erabiltzen diren lehengaiak, osagaiak, saiakuntzak, teknologiak eta formulazio-zerbitzuak ditu ardatz.
