Ingurumen-sektorean teknologiak eta konponbideak behar dira, etapa goiztiarretan prozesuen edo lekuen egoeraren diagnostikoa egiteko, eta baita aurkitutako arazoak kudeatzeko eta konpontzeko ere. GAIKERen, ingurumen-sektoreari laguntzen diogu, lurzoruen, azaleko eta lurpeko uren, prozesuen, eta materialen osasuna ebaluatzeko teknologiak, eta horiek arazteko eta konpontzeko tratamenduak garatuz.
Hondakin-uren eta hornikuntza-uren tratagarritasunari eta berrerabilpenari buruzko ikerketak egiten ditugu, eta erabilerarekin bat datorren edo legeriak ezarritako eskakizunetara egokitzen den kalitatea bermatuko duten arazketa-prozesu optimoak bilatzen ditugu.
Urak berrerabiltzeko eta kutsatutako lurpeko uretan moteltze naturala ebaluatzeko sistema biologiko eta fisiko-kimiko aurreratuak garatzen ditugu. Kutsatutako lurzoruak eta sedimentuak konpontzeko eta berreskuratzeko estrategiak ere pentsatzen ditugu, karakterizazio fisiko-kimiko zehatza eta tratagarritasun-azterketa eginez, eta, ondoren, sistema biologikoen (biorremediazioa) eta sistema fisiko-kimikoen bidezko tratamendua ezarriz.
Kontsumo aurreko eta osteko hondakinak aprobetxatzeko alternatiba jasangarri eta eraginkorrak garatzen ditugu. Horretarako, plastikoen birziklatze mekaniko eta kimikoan oinarritutako zirkulartasun-irizpideak kontuan hartzen ditugu, industriarako interesa duten konposatuak berreskuratu eta lortzeko, eta, hala, gure bezeroen prozesuei balio erantsia eta lehiakortasuna emateko.
GAIKER erreferentzia da bizi-zikloaren ebaluazioan (ACV), eta ingurumen-ikuspegia, ikuspegi soziala (ACV) eta ikuspegi ekonomikoa (ACVC) kontuan hartzen ditu gainera. Ebaluazio-azterketak inpaktuak ikuskatzeko eta produktuen birdiseinua bultzatzeko (ekodiseinua), adierazleak emateko (adibidez, karbono-aztarna edo ur-aztarna) eta neurrira egindako ebaluazio-tresnak garatzeko erabiltzen dira.
Proiektu honen helburua uraren tratamenduan erabiltzen den ikatz aktibatu pikorduna garbitzeko gaur egun egiten den prozesua iraultzea da. Horretarako, teknologia elektrokimiko berritzaile baten bidez sortutako prozesu termikoak erabiliko dira. Teknologia hori jasangarriagoa da eta, gainera, egungo prozesuek baino beste zenbait abantaila ditu. Teknologia hori duen instalazio modular eramangarria eraikiko dute, eta hainbat fabriketan (Espainian, Zipren) erabiliko eta baliozkotuko dute. Gainera, proiektuan, ikatz aktibatuen batez besteko bizitza iragartzeko tresnak garatuko dituzte, teknologia berri honetarako prozesu-adierazle berriak, eta baita ikatz agortuek erabiltzeko kontzeptu-probak (bigarren bizitza) ere, eta horrela, jasangarritasuna eta zirkulartasuna sustatuko dituzte.
Oinarri biologikoko hamabi teknologia berri garatzea, Europako lurzoruaren eta lurpeko uren lau kutsatzaile arruntenei ekiteko: metal astunak, olio minerala, hidrokarburo aromatiko poliziklikoak (HAP) eta hidrokarburo aromatiko lurrunkorrak.
 |
SYMBIOREM proiektuak EBko Horizon Europe ikerketa- eta berrikuntza-programaren finantzaketa jaso du, 101060361 zenbakidun dirulaguntza-hitzarmenari jarraikiz (https://cordis.europa.eu/project/id/101060361). |
Nanobiopilak eskala errealean garatzea, lurzoruak konpontzeko bi teknika berritzaile konbinatuz: lurzoru poluituak bioerremediatzea konposta erabiliz eta burdinazko nanopartikulak (nZVI) aplikatuz. Hidrokarburoekin kutsatutako lurzoruan aplikatzea.
Bailingo zabortegiko akuiferoko urak, lindanoaren fabrikazioko hondakinekin kutsatuak, konpontzeko prozesu bat garatzeko eta optimizatzeko aholkularitza, teknika biologikoen bidez. Laborategiko eskalako azterketa eta in situ bioerreaktore pilotuaren diseinua, eraikuntza eta eragiketa.
Hornidura-uren tratamendu-prozesu baten (Venta Altaren II. fasea) konfigurazio desberdinen errendimendu-maila zehaztea, Etxebarriko tartean Nerbioi ibaiaren ura hartu ondoren kalitatezko ura sortzeko, 140/2003 Errege Dekretuaren arabera. Degradazioko azpiproduktuen jarraipena egitea, eta tratamendu-prozesu batzuek eta haiek eratzeko eragiketek duten eragina.
Igerilekuetan desinfektatze-prozesu berri bat garatzea, ekologikoagoa, erreaktiboen eta energiaren erabilera minimizatzen duena; bioiragazkiak ditu fitorremediazio bidez arazteko (landareak erabiltzea) eta kloroaren ordezko desinfekzio-sistemak, hala nola ozonizazioa, mintzen bidezko iragazketa, UV argia. Edukiera kontrolatzeko softwarea garatzea.
Bioteknologia merkatuko arduraduna