GAIKERek, Basque Research & Technology Alliance-ko (BRTA) kideak, DS Industry – Decarbonized & Sustainable Industry-ren lehen edizioan parte hartuko du, industria eredu lehiakorrago, jasangarriago eta deskarbonizatuagoetarantz bultzatzeko nazioarteko topaketa berrian. Ekitaldia azaroaren 3tik 5era izango da Bilbao Exhibition Centren (BEC).
Topaketan, GAIKERek bere gaitasun teknologikoak eta I+G+Bko gaitasunak aurkeztuko ditu enpresei industria jasangarriago eta zirkularrago baterako trantsizio-prozesuetan laguntzeko, industria-sektoreen egungo erronketara egokitutako irtenbideak eskainiz.
Zentro Teknologikoak bere standa izango du ekitaldi horretan (D-14 standa, hain zuzen ere), eta han, bere soluzio teknologikoak aurkeztuko ditu, esperientziak partekatuko ditu eta I+G+B arloko lankidetza-aukera berriak aztertuko ditu industria-sektoreko enpresa eta eragileekin. Gainera, Poster Arean ere parte hartuko du.
DS Industry-k industria-sektore askotako enpresak eta profesionalak bilduko ditu eta gune bat eskainiko du teknologia aurreratuak ezagutzeko, lankidetzarako aukera berriak sortzeko eta deskarbonizazio, jasangarritasun eta zirkularitatearekin lotutako erronka teknikoei heltzeko.
Zatoz gure D-14 standera , eta ikusi nola lagundu diezazukegun industria jasangarriago eta zirkularrago baterantz aurrera egiten!
