Jasangarritasun-estrategiak plastikoaren sektorean

Aurkezpena eta xedeak Gizarteak eta erakundeek garapen jasangarria bultzatzen dute, eta huraxe dute helburu, hau da, gaur egungo beharrak asetzen dituen garapena, baina, era berean, etorkizuneko belaunaldiei hori bera egiteko gaitasuna kenduko ez diena. Testuinguru horretan, plastikoaren sektoreak erronka ugari ditu, eta erronka horiek balio-kateko eragileen erantzunak eskatzen dituzte. Lehengai-hornitzaileek, makineria-fabrikatzaileek, eraldatzaileek, banatzaileek eta erabiltzaileek, baita plastikoen bizitza erabilgarria amaitu ondorengo kudeatzaileek ere, parte hartu behar dute industriak dituen eskakizunei irtenbideak aurkitzeko.

Sektorearen erronka garrantzitsuenetako bi energiaren eta lehengaien prezioak dira. Horrez gainera, lehenbailehen erantzunak behar dituen beste alderdi bat da ingurumen-alderdietan gero eta kontzientziatuago dauden gizartearen eta administrazioen eskakizunetara egokitzea. Izan ere, horren ondorioz, alor horretako legeria aldatzen ari da, eta gero eta murriztaileagoa da.

 

Ezin da ukatu plastikoa funtsezkoa dela bizimodu modernoen kalitatea, erosotasuna eta segurtasuna hornitzeko eta haiei guztiei eusteko. Kostuaren eta errendimenduaren arteko erlazio bikaina dutenez, material horiek nonahi aurkitzen dira, jarduera eta sektore guztietan. Hala eta guztiz ere, gizartearen beharrei erantzuteak ez du gaur egunera mugatu behar, kontuan hartu beharko bailirateke etorkizuneko belaunaldiak ere, baliabideen eskuragarritasunari eta bizi-kalitateari dagokienez. Biharko beharrak asetzea da garapen jasangarriaren kontzeptuaren oinarria.

 

NORI ZUZENDUTA DAGO?
Plastikoaren balio-katean parte hartzen duten eragileetako teknikarientzat eta bitarteko arduradunentzat da jardunaldia: lehengai-hornitzaileentzat, makineria-fabrikatzaileentzat, eraldatze-lana egiten dutenentzat, banatzaileentzat eta erabiltzaileentzat; bai eta plastikoen bizitza erabilgarriaren ondorengo kudeaketa egiten dutenentzat ere. Horietaz gain, administrazioentzat, zentro teknologikoentzat eta sektoreari lotutako enpresa guztientzat ere bada.

 

HELBURUAK
- Garapen jasangarriaren irizpideek ezarritako eskakizun berriak betetzeko ekimen zehatzak ezagutaraztea
- Material berriak aurkeztea: bai oinarri biologikokoak, bai biodegradagarriak
- Energia-kontsumoa murrizteko ekipamendu eta prozesuen azken garapenak eta estrategiak erakustea
- Aplikazio komertzialetan material birziklatuak erabiltzeko edo produktuen toxikotasuna minimizatzeko enpresa-jarduera zehatzak erakustea

 

  Egitaraua

 

   GAIKER-IK4

   Parque Tecnológico, Ed. 202

   48170 Zamudio (Bizkaia)

 Ordua: 9:00-13:45

 

 Kuota: 60€ BEZ BARNE