Aurkezpena eta xedeak Gaur egun, suaren eta bere efektuen aurka egiteko dugun arma nagusietako bat da materialek sutan izan beharreko portaerari buruzko legedia, eta istripu asko ekiditen ditu. Horren haritik aipatu beharra dago arriskua handitzen duten faktoreetako bat direla bizimodu-hobekuntzen ondorioz erabiltzen hasi diren material berriak.
Adibide gisa aipa daitezke material berri eta arinez eraikitako etxe orratzak, lehengoak baino erosoago eta bizkorrago bihurtzen dituzten material konposatuz fabrikatutako hegazkin eta tren berriak, ezinezko diseinua duten altzariak edota azken belaunaldiko ekipamendu elektronikoak. Geroz eta industria-sektore gehiagok dute suaren aurkako materialen beharra araudiak gorde eta merkatuan sartu ahal izateko. |
|
Bestalde, Europarekiko lege-bateratzearen ildotik etorri diren arau berriek ere aldaketak ekarri dituzte sektore desberdinek (eraikuntza, altzarigintza, garraioa, automobilgintza, ontzigintza, elektrizitatea/elektronika, etab.) sute-kasuetan izan behar duten segurtasunari dagokionez.
Berezko izaera kimikoaren ondorioz, sutan portaera txarra duten materialez egin dira jardunaldian aztertuko ditugun sektoreetan erabiltzen diren produktuetako asko. Kasu horietan, materialek sutan duten portaera hobetu beharra dago, horretarako, garrak atzeratzeko eta kea gutxiagotzeko zenbait gehigarri erabilita.
NORI ZUZENDUTA DAGO?
Eraikuntzaren, altzarigintzaren, garraioaren, automobilgintzaren, elektrizitatearen nahiz elektronikaren sektoreko enpresentzat pentsatu da jardunaldia, baita lehengai-hornitzaile, transformatzaile, produktu-ekoizle, diseinatzaile eta abarrentzat ere.
HELBURUAK
Sutan portaera ona duten produktuen diseinu- eta garapen-joera berriak ezagutaraztea da jardunaldiaren helburu orokorra. Eta helburu orokorra erdiesteko, helburu partzial hauek planteatu dira:
- Hainbat sektoretarako materialek sutan izan behar duten portaera arautzeko lege desberdinak identifikatzea sektorez sektore: eraikuntza, tren eta itsasontzi bidezko garraioa, elektrizitatea eta elektronika, etab.
- Sutan portaera ona duten belaunaldi berriko produktuen azken garapenak erakustea.
Egitaraua
9:00 Ongietorria.
9:15 Suaren aurreko erreakzioa: GAIKER-IK4 enpresan I+G+b proiektu bat exekutatzeko pausoak. Jesús Ballestero.
GAIKER- IK4.
9:45 CEN TS 45545 zehaztapen teknikoari jarraikiz konpositeak ekoizteko halogenorik gabeko erretxinak. Antonio Torrelles. CROMOGENIA UNITS.
10:15 Iturburu naturaletatik datozen sistema polimerikoak: erretxina furanikoak. Iván Sánchez. GAIKER-IK4.
10:45 Atsenaldia.
11:45 Suaren aurka zurezko gaietan erabiltzeko produktu-lerro berria; sektorerako propietate eta abantailak. Asun Ruiz de Gauna. QUIDE.
12:15 Suaren aurkako azken belaunaldiko hesiak berritzen: Sandwich-panelak. Daniel Molinuevo. KIDE.
12:45 Galde-eskeak.
13:00 Bisita GAIKER-IK4ra.
Data
2012ko maiatzaren 31a
Tokia
GAIKER-IK4
Parque Tecnológico, Ed. 202
48170 Zamudio (Bizkaia)
Ordua: 9:00-13:15
Kuota: 60€ BEZ BARNE
(Dokumentazioa, Kafea eta Ziurtagiria)
GAIKER Fundazioko kideei %15eko deskontua egingo zaie