Balorizazio Energetikoa
Adituak gara hondakinak balorizatzen. Horretarako, hondakinak eta azpiproduktuak aprobetxatzeko teknologia iraunkorrak eta eraginkorrak aplikatzen ditugu, gure bezeroen prozesuak balio erantsiz hornitzeko. Industriako hondakinak, kontsumo ondoko hondakinak eta nekazaritzako elikagaien azpiproduktuak aprobetxatzen espezializatu gara. Halaber, hondakinetatik eratorritako erregaiak ezaugarritzen eta garatzen eta, besteak beste, material plastikoak eta konpositeak kimikoki birziklatzen lan egiten dugu.
Mikroalgen biomasa biologikoki fintzeko prozesu integratuak diseinatzeko teknologiak garatzen ditugu.
Gure laborategiko ekipamenduari eta industriaurreko eskalatzeari esker -besteak beste, tanke moduko erreakzio-sistemak, ohantze fluidizatuko erreakzio-instalazio bat, biodiesela sintetizatzeko instalazio pilotu bat, mikroalgak ekoizteko instalazio bat eta fluido superkritikoen instalazio bat hartzen dituzte barnean-, plastikoek, biomasak eta hondakinek biodiesel-sintesiko, solbolisiko, pirolisiko eta gasifikazioko prozesuetan duten portaera, erreakzio-baldintzen optimizazioa eta prozesuen eskalatzea analiza ditzakegu.
Gure jarduera teknologikoaren ildoak:
- Plastikoak kimikoki birziklatzeko eta bioerregaiak lortzeko prozesuak garatzea.
- Hondakinak eta azpiproduktuak eta erregai sekundarioak balorizatzeko eragiketak garatzea.
- Bioerregaiak
- Biodiesela (katalisi heterogeneoa)
- Hidrokarburoen sintesia (F-T) eta bioalkoholak
- Mikroalgen kultiboa
- Biomasaren balorizazioa
- Hondakinetatik deribatutako erregaiak (CDR)
- Birziklapen kimikoa
- Solbosi prozesuak (glikolisia, hidrolisia...)
- Tratamendu termikoa (pirolisia, gasifikazioa...)