Nanopartikulen sintesia eta funtzionalizazioa
Eskala nanometrikoko objektuen ezaugarri fisikoak, kimikoak, biologikoak eta teknologikoak ezagutzeak, beste teknologia batzuekin konbinatzeak eta behar industrial eta sozialetara bideratzeak aukera ematen digu, besteak beste, sektore hauetan soluzio pertsonalizatuak eta diziplinartekoak emateko prest egoteko: biomedikuntza, elektronika, energia, automozioa, garraioa, eraikuntza, ehungintza, aeronautika, ingurumena, agroelikadura, makina-erreminta eta kimika.
Material plastikoei nanopartikulak gehigarri moduan eransten espezializatu gara, propietate funtzional berriez hornitzeko. Nanomaterial berriak maila nanometrikoan eta haien jarduera funtzionalaren mailan ezaugarritzen dira.
Gure jarduera teknologikoaren ildoak:
- Izaeraren eta tamainaren arabera propietate desberdinak dituzten nanomaterial ez-organikoak, organikoak eta hibridoak sintetizatzea, prozesatzea eta ezaugarritzea.
- Material nanometrikoak eraldatzea, ezaugarri eta funtzio berriak emateko (antimikrobiarrak, antifouling, antioxidatzaileak, autokonpontzaileak, poluzioaren kontrakoak, eroaleak eta abar).
- Sistema nanopartikulatuak dituzten material plastikoak formulatzea.
- Nanopartikula biofuntzionalak garatzea.
- Mikrokapsularatzeko teknologiak.
- Propietate bereziak dituzten material eta gainazal nanoegituratuak garatzea eta ezaugarritzea.
- Fluido superkritikoen teknologian oinarritutako prozesuak garatzea, konposatu naturalak erauzteko, hondakinak balorizatzeko, konposatuak sintetizatzeko, partikula mikro/nanometrikoak lortzeko, materialak funtzionalizatzeko eta konposatu aktiboak mikrokapsularatzeko. Purutasun handiko eta disolbatzaile organikorik gabeko produktuak lortzen dira.