Garbitasuna eta Detergentzia
Aplikazio-eremu honetan teknologia industrializagarriak garatzen ditugu, garbiketa- eta detergentzia-jarduerekin zerikusia duten agente biologikoak, batez ere mikroorganismoak eta entzimak, ekoizteko. Giro-baldintza desberdinetarako (tenperatura, pH-a, mantenugaiak, elementu toxikoak, argia eta abar) errendimendurik onena ematen duten agenteak hautatzen ditugu.
Gure jarduera teknologikoaren ildoak:
- Entzima industrialen jarduera eta haien jardun- eta erabilera-baldintza optimoak zehaztea. Jarduera entzimatikoak: proteolitikoak, lipolitikoak, amilolitikoak, zelulolitikoak.
- Entzimen jardun-baldintzak optimizatzea, azken produktua behar bezala formulatzeko. Produktu biologikoen (entzimak eta mikroorganismoak) formulazioen bateragarritasuna.
- Mikroorganismo superdegradatzaileak bilatzea, mikroorganismoen miaketa sakona eta sistematikoa eginez nahi diren jarduera altuak dituzten hainbat habitatetan: lipolitikoak, proteolitikoak, amilolitikoak, zelulolitikoak edo jarduera espezifikoagoak, hala nola keratinolitikoak (hodiak libratzeko produktuetarako) edo pestiziden degradazioa.
- Entzima eraldatuak sortuko dituzten mikroorganismoen klonazioa, natiboen kontzentrazio desberdinetan eta produktuaren formulaziorako egokiagoetan jardun dezaten.
- Entzima interesgarriak sortuko dituzten mikroorganismoen klonazioa, are kultibatu ezin diren mikroorganismoena ere.
- Kultibatu ezin diren organismoen jarduera entzimatikoak bilatzea eta isolatzea, liburutegi metagenomikoak abiapuntu hartuta. Liburutegi horiek abiapuntu hartuta jarduera anizkunak miatzea.
- Produkzioa hobetzea: mikroorganismoak edo entzimen jardun-baldintzak (esate baterako, hotzean jarduten duten entzimak), mutazio guneratuaren edo ausazko mutazioaren bidez.
- Hartzidura 5 litroko eskalan, estraktu gordin entzimatikoak lortzeko.
- Entzima eta mikroorganismoen aplikazio industrialean laguntzea.
- Entzimekin edo mikroorganismoekin formulatuta lortutako azken produktuen eraginkortasun konparatiboa zehaztea.